COMUNICADO DE PRENSA
O Foro Galego de Inmigración formado polas asociacións e entidades recollidas abaixo (máis de 80 asociacións e entidades de toda Galicia) quere facer público o seguinte Comunicado en relación coa aprobación prevista polo Pleno do Senado para o martes día 17 de Novembro da nova Lei de Estranxeiría:
1.- Lamentar que de novo as aportacións introducidas no tramite parlamentario no Senado son claramente insuficientes. Aínda que se amplían as medidas cautelares alternativas ao internamento e establécese a vixiancia xudicial concreta sobre os centros de internamento, mantense a intolerable ampliación do tempo de estancia neses centros de 40 a 60 días. Noutros aspectos tampouco houbo melloras substanciais: non se garanten os dereitos das mulleres inmigrantes en situación de irregularidade administrativa que sufren situacións de violencia de xenero, por exemplo.
2.- O Foro Galego de Inmigración secunda unha campaña urxente a nivel estatal promovida
por diferentes plataformas , que pretende “bombardear” os correos eléctronicos dos e das senadoras, para que alomenos se introduza unha enmenda que respalda mesmo o Partido Popular para establecer un modelo de 40+20. É dicir manter como prazo xeral os 40 días, coa posibilidade se o considera oportuno o xuíz instructor do expedente de ampliar a mesma aos 60 días.
3.- Aplaudir as actuacións xudiciais que nos últimos días en Lugo e a súa provincia perseguen a persoas e grupos que se lucran explotando a persoas inmigrantes en situación de irregularidade administrativa. Esixir a máxima contudencia con estas actuacións delictivas e recordar que a reforma da Lei que aproba o Senado este martes día 17 insiste en criminalizar as persoas inmigrantes en situación de irregularidade administrativa, facilitando polo tanto que caian en mans destas redes de explotación.
